Hambuuk dayng ha manga pangusahan sin manga Tausug in magparagan traysikul (tricycle) ha daira Tiyanggi (Jolo). In usaha ini timagna' sin way pa naawn bunu' ha antara' sin MNLF iban parinta Pilipinas. In traysikul amura in sasakatan sin mahajjana' manjari na sukayan magkadtu mari halawm sin daira sin Tiyanngi.
Salat na bihayaun in traysikul halawm sin daira Tiyanggi pasal timaud na in mutursaydkar. Kiyarayaw ra isab in mutursaydkar gimuwa' pagsusukayan sin mahajjana' ha Tiyanggi karna' awn manga lugal di' kagausan tukarun sin traysikul.
Sin way pa nalingug in Lupa'sug, gimba higad in magpangusaha labay ha pagtraysikul halawm Tiyanggi. Usaha dakula' kulang pa in Tausug tagasasakatan luggiya' pakaniya-pakaniya. Hangkan in mag-aagad bukun hadja tau gimba bang makapaniyanggi atawa samal iban kataymanghuran dayng ha kapu'puan bang makapatabu' Tiyanggi. Misan in manga Tausug awnan amu in nagbabay ha Tiyanggi, kamatauran kanila magad da traysikul. In kamawmuhan pasayru (passenger) sin traysikul amuna in manga bata'iskul iban naghihinang ha upis iban na sin manga mastal ha kaiskul-iskulan sin Tiyanggi. Bang taniyu tumtumun biya' makakatawa ra isab in antara' sin pasayru iban sapiyul (driver). Tuy na magad in manga kaibanan naghihinang ha parinta tudju Marteres, Landing, Umbul Duwa atawa pa Upper Sanraymundo. Tuwik madtu mari sin sapiyul karna' sin tukad. Pagdatung, in sukay hambuuk pilak da.
"Kulang sa ini!" agi sin sapiyul traysikul.
"Matawad kaw tuud sin amu ra in pagsusukayan ku mari" pamahit sin pasayru.
"A, kaymuna!" hilabak magbalik sin sapiyul madtu pa pasayru.
Kabiyaksahan suy-suy sin pasayru bang dumatung na pa bay amu na in pagdubdub atawa pagkalu nila iban sin magparagan traysikul.
Sin way pa nalingug in Lupa'sug, gimba higad in magpangusaha labay ha pagtraysikul halawm Tiyanggi. Usaha dakula' kulang pa in Tausug tagasasakatan luggiya' pakaniya-pakaniya. Hangkan in mag-aagad bukun hadja tau gimba bang makapaniyanggi atawa samal iban kataymanghuran dayng ha kapu'puan bang makapatabu' Tiyanggi. Misan in manga Tausug awnan amu in nagbabay ha Tiyanggi, kamatauran kanila magad da traysikul. In kamawmuhan pasayru (passenger) sin traysikul amuna in manga bata'iskul iban naghihinang ha upis iban na sin manga mastal ha kaiskul-iskulan sin Tiyanggi. Bang taniyu tumtumun biya' makakatawa ra isab in antara' sin pasayru iban sapiyul (driver). Tuy na magad in manga kaibanan naghihinang ha parinta tudju Marteres, Landing, Umbul Duwa atawa pa Upper Sanraymundo. Tuwik madtu mari sin sapiyul karna' sin tukad. Pagdatung, in sukay hambuuk pilak da.
"Kulang sa ini!" agi sin sapiyul traysikul.
"Matawad kaw tuud sin amu ra in pagsusukayan ku mari" pamahit sin pasayru.
"A, kaymuna!" hilabak magbalik sin sapiyul madtu pa pasayru.
Kabiyaksahan suy-suy sin pasayru bang dumatung na pa bay amu na in pagdubdub atawa pagkalu nila iban sin magparagan traysikul.
No comments:
Post a Comment