Ginisan sin Himumungan

Awn upat kaginis sin himumungan (sentence) tungud pa pag-usal (four kinds of sentence according to use) kanila ha paghilalaungan sin tiyap-tiyap mamissara bat lilay ha manga dumurungug in maksud iban maana sin himumungan batbatun. Duun ha ini taki-takihun pakaniya-pakaniya kaginis sin dagbus iban pagbidda'-bidda' sin himumungan sin manga banuwa Tausug.

Manga Upat (4) Kaginis sin Himumugan

(Four (4) Kinds of Sentence)

1. Himumungan Pamayta'(Declarative Sentence) - Kawl (statement) atawa kawlan jukup (independent clause) mamayta' atawa magpamahalayak. Duhulan siya sin tumbuk (period).

Sawpama: 

• In ama' hi Nur nag-aad sin palipat.
• In ina' hi Aisa nagbutang pagkaun.
• Masanyang sila.

1. Himumungan Pangasubu (Interrogative Sentence) - In ini kawlan mangasubu. Duhulan siya sin kalluk-tumbuk (question mark).

Sawpama:

• Nag-unu in manga mastal iban bata'-iskul kahapun?
• Hisiyu in dimaug umbul hambuuk?
• Unu in sallamata kaniya?

1. Himumungan Pangdaak (Imperative Sentence) - In ini kawlan dumaak iban mangdaaki. Duhulan siya sin tumbuk (.).

Sawpama:

• Sulat kaw tarasul.
• Andu', duhalan ba in buk ku yan.
• Tabiya', limiyu aku matun.

1. Himumungan Pangubla' (Exclamatory Sentence) - In ini lapal-lapalan makakuyag atawa makakubla' ha pangnanam iban parasahan. Duhulan siya sin tindug-tumbuk (exclamation point)

• Uhay! Nangdaug kami!
• Alla, kiyabin ku in pitaka ku!
• Na, natanak in hanggatus pilak ku!