Kangannganan

In kangannganan (noun) amu in ngan sin tau, lugal, binatang atawa sattuwa iban unu-unu kapanyapan. Malaggu' in karahan niya ini ha paghimumungan iban ha pagsulat sin mga hilalaungan iban kawlan. Hangka, awn siya ginisan tibayhuan, hinang, pihak iban umbul amu in subay mag-amu halawm sin himumungan.

Manga Ginisan sin Kangannganan (Kinds of Noun)

• Kangangnganan Mattan (Proper Noun) amu ini in ngan luggiya’ atawa tuman sin tau,  lugal, binatang iban sin manga unu-unu na kapanyapan. In pagsulat kanila ini subay        tumagna’ ha batangsulat malaggu’ (capital letter).

Sawpama:

Ngan sin Tau:

Julma, Tampakan, Julmin, Nalda, Pula

Ngan sin Lugal:

Lupa’sug, Indanan, Pasil, Langpas, Umbul Duwa,

Ngan sin Binatang:

Mundan (kambing), Astian (sapi’), Lawihan (manuk) Hanjing (iru’) Ming (kuting)

Ngan sin Kapanyapan:

Upu (cellphone), Sabaw Maymu’ (bubunglaw), Bay-bay (panyaman)

• Kangannganan Kabiyaksahan (Common Noun) amu ini in ngan hipagtatawag ha katan tau, lugal, binatang iban unu-unu na kapanyapan.

Sawpama:

Ngan Tau:

manusiya’, usug, ama’, babai, ina, taymanghud, anak, apu’, mastal, nakura’

Ngan Lugal:

gimba, daira, gulangan, pantay, bud, datag, higad dagat, higad sapa’,

Ngan Kapanyapan:

katas, laring, lansang, chinilas, karut, galun, samin, atup,

• Kangannganan Manyatakan (Concrete Noun) amu ini manga kabtangan magngan sin unu-unu na pagkaulinan, pagkakitaan. pagkahamutan, pagkananaman atawa pagkakinaman.

Sawpama:

kunsi', sumping, ulan, gabun, dagat, hangin, kappal, plin,

Pihak sin Kangannganan (Gender of Noun)

• Pihak Usug (Masculine Gender) manga kangannganan tungud sadja pa usug.

Sawpama:

apa', bapa', subul, Mohammad, Adam, ama', amaun, imam, pakil, hatib, mandangan, utu'

• Pihak Umagak (Feminine Gender) manga ngan tungud sadja pa babai.

Sawpama:

abu', babu', budjang, Fatima', Hawa, ina', inaun, panday, kaka', tamanang

• Pihak Kabiyaksahan (Common Gender) manga ngan amu in mausal pa usug atawa babai.

Sawpama: 

apu', mastal, bata'-bata', tau, sattuwa, ambak, sapi', bariyu, manuk

• Pihak Way (Neuter Gender) manga kabtang tungud pa unu-unu amu in way kabuhi'

Sawpama:

kura'-kura', siya, plin, ariplanu, kappal-lupad, piritu, adubu